“Böyük kapitan” “Qalatasaray”a qayıda bilər

Ard-arda uğursuz nəticələr alan “Qalatasaray”da tezliklə baş məşqçi dəyişikliyi ola bilər. Futbolxeber.az-ın məlumatına görə, dünən “Qaziantepspor”dan alınan 0:2 hesablı məğlubiyyətdən sonra Mustafa Dənizli də komandadan gedə biləcəyinə işarə vurub.

Türkiyə mətbuatı artıq “Qalatasaray”ın yeni baş məşqçisi ola biləcək mütəxəsissləri müzakirə edir. Hazırda Dənizlini əvəzləməyə ən real namizəd daha əvvəl “Spartak”da çalışmış Murat Yakındı. Əgər Yakınla razılıq əldə olunmasa, o zaman “Qalatasaray” yerli mütəxəssisə tapşırılacaq. Mümkün namizədlər arasında Bülənt Qorxmaz və Okan Burukun adı çəkilir. Okan Burukun Hasan Şaşla birgə komandanın başına keçməsi də mümkün ehtimallar arasındadı.