Ronaldo: həm rekord, həm də uğursuz seriyaya son

Çempionlar Liqasının 1/8 final mərhələsinin ilk oyunu çərçivəsində “Roma”ya qarşı baş tutan matç “Real”ın hücumçusu Kriştianu Ronaldo üçün əlamətdar olub. Futbolxeber.az-ın məlumatına görə, portuqaliyalı ulduz 2015-ci ilin 29 noyabrından sonra ilk dəfə səfər oyununda qol vurub. Sonuncu dəfə Ronaldo “Eybar”la matçda fərqlənmişdi.

Ronaldo həm də rekorda imza atıb. Belə ki, o, Çempionlar Liqasının pley-off mərhələsində 40 qol vuran ilk futbolçu kimi tarixə düşüb.

“Roma”yla oyun Ronaldonun ÇL-in pley-off mərhələsində keçirdiyi 56-cı qarşılaşma olub. Bununla da portuqaliyalı futbolçu Xavinin rekordunu təkrarlayıb.