Zidan: “Bu hələ başlanğıcdı”

“Real”ın baş məşqçisi Zinəddin Zidan La Liqanın 20-ci turu çərçivəsində “Sportinq Xixon”u 5:1 hesabı ilə məğlub etdikləri oyundan danışıb. Futbolxeber.az-ın məlumatına görə, Zizu birinci hissədə əla təsir bağışladıqlarını qeyd edib: “Oyuna tam hazır idik və nəticədən razıyıq. Hücumameylli triomuz əla görünürdü. Onlar topsuz da çox çalışırlar ki, bu məqam mənim üçün vacibdi. Hər zaman daha yaxşı oynamaq mümkündü. Amma birinci hissədə əla təsir bağışladığımızı da deməliyəm. Komandanın fiziki durumunun daha da yaxşılaşmasını istəyirəm. Bu vəzifəni qəbul edərkən hara gəldiyimi bilirdim. 2 oyunda 10 qol vurmaq asan deyil. Lakin bu hələ başlanğıcdı. Bu gün ilk yarıda sərgilədiyimiz oyunu davam etdirsək, rəqiblərimizin işi asan olmayacaq. Konsentrasiyamızı itirməməliyik”.