AVRO-2016-nın püşkü atıldı

Bu gün gələn il Fransada keçiriləcək Avropa çempionatının qrup mərhələsinin püşkü atılıb. Futbolxeber.az-ın məlumatına görə, mərasim Parisdə baş tutub. 24 komanda rəqibini tanıyıb. Avropa çempionatının iştirakçıları 4 səbətə bölünüblər. Birinci səbətdə 5, digərlərində isə 6 komanda yer alıb. Fransa meydan sahibi olduğundan, avtomatik olaraq “A” qrupunda ilk komandadır.

Püşk Türkiyə millisi üçün uğurlu alınmayıb. “Ay-ulduzlular” “ölüm qrupu”nda yer alıb.

Qrupların tərkibi aşağıdakı kimidir:

A qrupu: Fransa, Rumıniya, Albaniya, İsveçrə 

B qrupu: İngiltərə, Rusiya, Uels, Slovakiya

C qrupu: Almaniya, Ukrayna, Polşa, Şimali İrlandiya

D qrupu: İspaniya, Çexiya, Türkiyə, Xorvatiya

E qrupu: Belçika, İtaliya, İrlandiya, İsveç 

F qrupu: Portuqaliya, Avstriya, Macarıstan, İslandiya - Qeyd edək ki, qrup mərhələsində ilk 2 yeri tutanlar, eləcə də üçüncü yerin sahibi kimi ən yaxşı nəticə göstərən 4 komanda 1/8 finala adlayacaq.