Fransa - Almaniya matçında partlayış: 3 nəfər öldü, Olland evakuasiya edildi

Dünən Parisdə keçirilən Fransa - Almaniya matçı zamanı faciə yaşanıb. Futbolxeber.az-ın məlumatına görə, “Stad de Frans”ın ətrafında 3 partlayış baş verib. Görüşü izləyən Fransa prezidenti Fransua Olland dərhal stadiondan evakuasiya edilib. Lakin matç yarımçıq dayandırılmayıb. Bu addım insanların vahiməyə düşməməsi üçün atılıb. Qarşılaşma meydan sahiblərinin 2:0 hesablı qələbəsi ilə tamamlanıb. Almaniya millisinin üzvləri oyun başa çatdıqdan sonra stadionu tərk edə bilməyiblər. Fransa tərəfi qonaqların təhlükəsizliyinin təmin olunması üçün bu addımı atıb. Yekunda Almaniya millisinin üzvləri görüş yekunlaşdıqdan 3 saat yarım sonra stadionu mikro-avtobuslarda tərk ediblər. “Stad de Frans”ın ətrafında baş verən partlayışlar zamanı 3 nəfərin öldüyü qeyd olunur.

Qeyd edək ki, dünən Parisin 7 müxtəlif rayoununda 7 partlayış baş verib. Həmçinin “Bataklan” teatrında naməlum şəxslər 100-ədək adamı əsir götürüblər. Ümumilikdə, 150 nəfərin öldüldüyü bildirilir.