“Martines sabah “Milan”ın futbolçusu kimi ictimaiyyətə təqdim olunacaq”

“Portu”nun hücumçusu Cekson Martinesin meneceri Luis Enrike Pompeo müştərisinin “Milan”a keçməyə yaxın olduğunu təsdiqləyib. Futbolxeber.az-ın məlumatına görə, o, qeyd edib ki, transfer artıq sabah ictimaiyyətə açıqlana bilər: “Biz artıq transferi reallaşdırmağa çox yaxınıq. Bu, Martines üçün əla şansdır. Ümid edirik ki, artıq sabah Martines “Milan”ın futbolçusu kimi ictimaiyyətə təqdim olunacaq. Hücumda Cekson və İbrahimoviç tandemi möhtəşəm olardı”.

Xatırladaq ki, Zlatan İbrahimoviç “Milan”a qayıtmağa razılıq verib. Keçidin reallaşması üçün “Qırmızı-qaralar” PSJ ilə ortaq məxrəcə gəlməlidir.