Kasilyas “Real”dan getdi

İker Kasilyas “Real”la yollarını ayırıb. Futbolxeber.az-ın məlumatına görə, təcrübəli qapıçı ilə klub rəhbərliyinin görüşündə vidalaşmaq barədə qərar qəbul edilib. 34 yaşlı qapıçınının narazı qalmaması üçün klub rəhbərliyi ona 2 illik maaşı həcmində təzminat ödəyəcək. Hələlik Kasilyasın karyerasını hansı klubda davam etdirəcəyi bilinmir.

Qeyd edək ki, 34 yaşlı qolkiper 25 ildir “Kral klubu”nun uğurları üçün çalışır. Bu müddətin 16 ilini o, əsas heyətdə keçirib. “Real”la birgə Kasilyas 5 dəfə ölkə çempionu olub, 2 dəfə İspaniya kubokunu, 3 dəfə Çempionlar Liqasını qazanıb, eləcə də digər 8 kuboka sahib çıxıb.