“Ançelotti “hə” deməyincə təslim olmayacağam, lazım olsa onunla Vankuverə də gedəcəyəm”

“Milan”ın vitse-prezidenti Adriano Qallini Karlo Ançelottini kluba geri qaytarmaq üçün sona qədər çalışacağını bildirib. Futbolxeber.az-ın məlumatına görə, klub rəsmisi təslim olmayacağını qeyd edib: “Mən Madridə Ançelottini geri qaytarmaq üçün gəlmişəm. Təslim olmayacağam. Demişəm, Ançelotti “hə” söyləyəcək. Onunla bu gün daha bir görüşümüz də olacaq. Təzyiqim davam edəcək (gülür). Ançelotti ilə birgə “Milan” 11 beynəlxalq kubok qazanıb. O, bizim tariximizin bir hissəsidir. Ançelotti də bilir. Təklifi qəbul etməsə, o və həyat yoldaşı ilə birgə Vankuverə də yollanacağam”.