Yenə artırılmış vaxt, yenə də ingilislər

Avroliqanın final görüşündə “Çelsi” hakimim oyuna əlavə etdiyi vaxtda vurduğu qolla kuboku başı üzərinə qaldırdı. Futbolxeber.az-ın məlumatına görə, bu, 1999-cu ildən sonra ilk belə haldır. Sonuncu dəfə avrokuboklarında finalında qalib gələn komanda hakimin oyunun sonuna əlavə etdiyi vaxtda qələbə qolunu vura bilmişdi. Maraqlıdır ki, onda da sevinən tərəf məhz İngiltərə klubu olmuşdu. Söhbət 1999-cu ildə Çempionlar Liqasının finalında baş tutan “Mançester Yunayted” – “Bavariya” görüşündən gedir. Xatırladaq ki, həmin matçda Teddi Şeringem (90+1) və Ule Qunner Solskayer (90+3) vurduqları qollarla “Qırmızı şeytanlar”a qələbə qazandırmışdılar.