AS: “Real” 1 ay əvvəl ispan məşqçiyə təklif göndərib

“Real” baş məşqçi axtarışına 1 ay əvvəl başlayıb. Futbolxeber.az-ın məlumatına görə, sensasiyalı iddia ilə AS çıxış edib. İspaniyalı həmkarlarımızın yazdığına görə, Madrid klubu ötən ay “Atletik”in baş məşqçisi Ernesto Valverdeyə təklif göndərib. “Real” rəsmiləri bildiriblər ki, Ançelottinin rəhbərliyi altında komanda La Liqa və Çempionlar Liqasında istəyinə çatmasa, o zaman baş məşqçi postunda Valverdeni görmək istəyirlər. Lakin 51 yaşlı mütəxəssi hazırkı klubunda qalmaq qərarına gəlib. Bu günlərdə Valverde bask klubu ilə müqaviləsini daha 1 illiyinə uzadıb.

Qeyd edək ki, 51 yaşlı məşqçi daha əvvəl 2 dəfə “Barselona”nın təklifini də geri çevirib. O, “Atletik”i 2013-cü ildən çalışdırır. Cari mövsümdə Valverdenin rəhbərliyi altında komanda Çempionlar Liqasına vəsiqə qazanıb. “Atletik” həm də İspaniya kubokunda finala yüksəlib.