Azərbaycan millisinin qənimi Avropa çempionatı ilə vidalaşdı

Bolqarıstanda keçirilən 17 yaşadək futbolçular arasında Avropa çempionatında ilk yarımfinalçılar müəyyənləşib. Futbolxeber.az-ın məlumatına görə, Xorvatiya yığması penaltilər seriyasında Belçikaya uduzub - 1:1 (pen - 3:5). Digər 1/4 final oyununda da qalib penaltilərlə aşkarlanıb. İspaniya və Almaniya matçında qapılara qol vurulmayıb. Penaltilər seriyasında dəqiq oynayan (4:2) Almaniya millisi yarımfinala adlayıb.

Qeyd edək ki, digər 2 1/4 final oyunu sabah keçiriləcək. Fransa İtaliya ilə, İngiltərə isə Rusiya ilə üz-üzə gələcək.

Xatırladaq ki, bu gün qitə çempionatı ilə vidalaşan Xorvatiya yığması məhz Bakıda keçirilən Elit raundda qrup qalibi olmaqla Avropa çempionatına vəsiqə qazanmışdı. Həlledici mərhələdə Xorvatiya, milli komandamızı 4:0 hesabı ilə məğlub edib.