“Malaqa”nın qapıçısı və “Atletiko”nun hücumçusu sabiq “Bakı”lıları sevindirdi

Madriddə xeyriyyə oyunu baş tutub. Futbolxeber.az-ın məlumatına görə, “Champions for life” adı altında baş tutan oyunda İspaniyanın şimalı və cənubunu təmsil edən klubların üzvləri meydana çıxıblar. “Visente Kalderon”da keçirilən matçda Raul Qarsiya, Jimenez, Traore, Rakitiç, Haliloviç, Reyes kimi ulduzlar meydana çıxıblar. Şimalın baş məşqçisi Xose Antonio Kamaço, cənubluların baş məşqçisi isə “Bakı”nın sabiq çalışdırıcısı Milinko Pantiç olub. Pantiçin komandasında daha əvvəl “Bakı”da oynamış Ruben də çıxış edib. Matç Pantiçin komandasının 3:2 hesablı qələbəsi ilə yekunlaşıb. Hesabda 0:2 geri düşən cənublular əvvəlcə “Malaqa”nın qapıçısı Kameninin penaltidən vurduğu qolla fərqi minimuma endiriblər. Daha sonra isə icarə əsasında “Rayo Valekano”da çıxış edən, amma müqavilə ilə “Atletiko”ya məxsus olan Leo Baptistaonun dublu Pantiçin komandasında 3:2 hesablı qələbə qazandırıb.