“Simurq”un keçmiş baş məşqçisi özünə yeni iş yeri tapdı

“Simurq”un sabiq baş məşqçisi, rusiyalı mütəxəssis Sergey Yuranın yeni iş yeri müəyyənləşib. Futbolxeber.az-ın məlumatına görə, Yuran yeni ildən etibarən “Baltika”da çalışacaq. Bu haqda veteran futbolçunun özü məlumat verib. O qeyd edib ki, Kalininqrad klubu ilə aparılan danışıqlar müsbət yekunlaşıb. İlin sonuna kimi tərəflər rəsmi müqaviləyə imza atacaqlar.

Qeyd edək ki, Yuran 2011-12 mövsümündə “Simurq”un baş məşqçisi olub. Zaqatala klubundan sonra isə o, yalnız “Sibir”də çalışıb.