Millimizin üzvü Bundesliqada növbəti qolunu vurdu

Almaniya ikinci Bundesliqasında 19-cu tura start verilib. Futbolxeber.az-ın məlumatına görə, millimizin üzvü Dmitri Nazarovun formasını geydiyi “Karlsrue” öz meydanında “Frankfurt”la qarşılaşıb. Meydana start heyətində çıxan Nazarov, 69-cu dəqiqədə əvəzlənib. Buna kimi “Karlsrue” rəqib qapısından 4 top keçirib ki, sonuncu qolu da məhz penaltidən Nazarov vurub. O, 66-cı dəqiqədə penaltidən fərqlənib. Matç millimizin üzvünün komandasının 4:1 hesablı qələbəsi ilə başa çatıb. Bu qələbə sayəsində xallarının sayını 33-ə yüksəldən “Karlsrue” ikinci pilləyə yüksəlib.