Roberto Mançini: “Nə vaxtsa “İnter”ə qayıdacağımı düşünmürdüm”

Roberto Mançini “İnter”ə qayıdışını şərh edib. Futbolxeber.az-ın məlumatına görə, təcrübəli mütəxəssis Milan təmsilçisində yenidən uğur qazanacağına inandığını bildirib: “Yenidən “İnter”li azarkeşlərin sevgisini hiss etmək çox gözəldi. Nə vaxtsa “İnter”ə qayıdacağımı düşünmürdüm. Bu, çox erkən baş verdi. Hazırda komandada yer alan futbolçuları yaxşı tanımıram. Ona görə də bu “İnter”i əvvəlki kollektivlə müqayisə edə bilmərəm. Baş məşqçini adətən nəticələr yaxşı olmayanda dəyişirlər. Lakin bu o demək deyil ki, bütün günahlar baş məşqçidədir. Hesab edirəm ki, Madzarri yaxşı məşqçidir. 10 il əvvəlki nəticələrimizi təkrarlayacağımıza inanıram. Bir qədər inama və bəxtə ehtiyacımız var. “İnter”ə güvənirəm. Əks halda, burda olmazdım. Sehirli çubuğum yoxdur. Ona görə də uğura yalnız gərgin iş rejimi sayəsində nail ola bilərik”.