“Qarabağ”ın rəqibi de Burla anlaşa bilər

İtaliyanın “İnter” klubunun prezidenti Erik Tohir baş məşqçi axtarışlarını davam etdirir. Futbolxeber.az-ın məlumatına görə, Tohirin budəfəki hədəfi “Ayaks”ın çalışdırıcısı Frank de Burdur. “İnter”in sahibi holland mütəxəssisi 2014/15 mövsümü başa çatdıqdan sonra Milana dəvət etmək istəyir. De Burun “Ayaks”la müqaviləsinin 2017-ci ilin sonuna kimi olması da Tohiri fikrindən çəkindirmir.

Xatırladaq ki, “İnter” Avroliqanın qrup mərhələsində “Qarabağ”ın rəqibidir. Hazırda komandanı Valter Madzarri çalışdırır.