“Ebola” virusu “Xəzər Lənkəran” və “Neftçi”nin futbolçularına əngəl yaratdı

Syerre Leone millisi Afrika Kubokunun seçmə mərhələsi çərçivəsində qalan 2 oyununda meydana çıxmayacaq. Futbolxeber.az-ın məlumatına görə, bu haqda komandanın köməkçi məşqçisi Sander de Kramer açıqlama verib. Məşqçinin sözlərinə görə, Syerr Leone höküməti bütün vəsaiti “Ebola” virusu ilə mübarizəyə sərf etmək qərarına gəlib. Bu səbəbdən də ölkə yığmasının seçmə mərhələdə çıxışını davam etdirmək imkanı yoxdur.

Qeyd edək ki, “Xəzər Lənkəran”dan Alfred Sanko və “Neftçi”dən Julius Vobayın dəvət aldığı Syerre Leone millisi, seçmə mərhələnin 4 turundan sonra qrup sonuncusudur.