“Qarabağ”ın futbolçusu son dəqiqədə sevindi

Avro-2016-nın seçmə mərhələsi çərçivəsində Makedoniya millisi öz meydanında Lüksemburqu qəbul edib. Futbolxeber.az-ın məlumatına görə, Makedonya yığmasına dəvət alan “Qarabağ”ın üzvü Muarem Muarem meydana start heyətində çıxıb. 60 dəqiqə meydanda olan Muarem, 1 saatın tamamında yerini Yahoviçə verib.

Matç Makedoniyanın 3:2 hesablı qələbəsi ilə başa çatıb. İlk yarıdan sonra hesabda geridə olan makedoniyalılar yalnız hakimin görüşə əlavə etdiyi ikinci dəqiqədə qələbə qolunu vura biliblər.

Qeyd edək ki, bu, Makedoniya millisi cari tsikldə ilk qələbəsidir.