“Mançester Siti” “Arsenal” önünə itkilərlə çıxacaq

Premyer Liqanın dördüncü turunun açılış matçında səfərdə “Arsenal”ın qonağı olacaq “Mançester Siti” bu matça itkilərlə çıxacaq. Futbolxeber.az-ın məlumatına görə, Stevan Yovetiç və Fernando “topçular”la matçda forma geyə bilməyəcək.  Bu haqda “şəhərlilər”in baş məşqçisi Manuel Pelleqrini açıqlama verib. Çilili mütəxəssis qeyd edib ki, Fernando 2 həftə meydana çıxa bilməyəcək. Bu isə “Mançester Siti” üçün ciddi itkidir. Yovetiç isə gələn həftə meydana çıxa biləcək.

Xatırladaq ki, “Arsenal” - “Mançester Siti” matçı təxminən 12 saatdan sonra start götürəcək.