Özil: “Məni yalnız Vengerin fikri maraqlandırır”

“Arsenal”ın yarımmüdafiəçisi Məsut Özil son zamanlar mətbuatda xeyli tənqid olunması haqda danışıb. Futbolxeber.az-ın məlumatına görə, Almaniya millisinin üzvü onun üçün “topçular”ın çalışdırıcısı Arsen Vengerin fikrinin önəm kəsb etdiyini bildirib: “Əsas olan məşqçinin nə düşünməsidir. Vengerin fikirləri məndə özünəinam yaradır. Mənə verdiyi dəstəyə görə məşqçimə minnətdaram. Mətbuatda onsuz da hər zaman kimin qol vurması müzakirə olunur. Məhsuldar ötürmə verənlər arxa planda qalırlar. Buna normal yanaşıram. Amma unutmayaq ki, qolun vurulması qədər, məshuldar ötürmənin verilməsi də mühümdür”.