Simone: “Atletiko” sadə insanların komandasıdır”

“Atletiko”nun baş məşqçisi Dieqo Simone son zamanlar komandasının daha çox pərəstişkar toplaması haqda danışıb. Futbolxeber.az-ın məlumatına görə, argentinalı mütəxəssis komandasının daha çox sadə insanlar tərəfindən sevildiyini qeyd edib: “İnsanlar özünü “Atletiko”ya yaxın hiss edirlər. Komandanın daha güclü rəqiblərlə oyundakı mübarizə əzmi insanları özünə cəlb edir. İndiki “Atletiko” mənə Dieqo Maradonanın vaxtındakı “Napoli”ni xatırladır. Həmin vaxt Neapol təmsilçisi özündən güclü olan “Milan”, “İnter” və “Yuventus” kimi klublarla başabaş mübarizə aparır, hətta onları üstələyirdi də. Biz - sadə insanların komandasıyıq”.