Buffon: “70 yaşımız yoxdur ki, Balotelliyə ağıl öyrədək”

“Yuventus”un və İtaliya millisinin qapıçısı Canluici Buffon yığmadakı komanda yoldaşı Mario Balotelli haqda danışıb. Futbolxeber.az-ın məlumatına görə, Buffon SuperMario ilə aralarında problem olmadığını bildirib: “Biz futbolçuyuq, Mario da komanda yoldaşımızdı. Onunla aramızda heç bir problem yoxdu. Bizim 70 yaşmız yoxdur ki, Balotelliyə ağıl öyrədək. Komandanın məşqçisi var və o, nə etməli olduğunu çox gözəl bilir. Milliyə kimi çağırmalı olduğunu da məşqçi bilir. Onun işini şərh etmək isə bizim vəzifəmiz deyil”.