“Liverpul” çempionluq mübarizəsində “Mançester Siti”yə rəqib deyil”

“Mançester Siti”nin yarımmüdafiəçisi Samir Nəsri “Liverpul” haqda danışıb. Futbolxeber.az-ın məlumatına görə, fransız futbolçu “Qırmızılar”ı çempionluq mübarizəsində rəqib qismində görmədiyini bəyan edib: “Liverpul” Luis Suaresi itirdi. Bundan başqa, Çempionlar Liqası da xeyli güc alır. Odur ki, “Liverpul”un işi bu il çox çətin olacaq. Halbuki yazda onlar yalnız 1 turnirdə mübarizə aparırdılar. Bu mövsüm “Liverpul” çempionluq mübarizəsində “Mançester Siti”yə rəqib deyil. Əsas rəqiblərimiz “Çelsi” və “Mançester Yunayted”dir”.

Nəsri bu 2 klub haqda da fikirlərini açıqlayıb: “Çelsi” Lempardın əvəzinə Fabreqası transfer etdi. Mən onu çox yaxşı tanıyıram. “Arsenal”da birgə çıxış etmişik. “Çelsi” hücumda da sıxıntı çəkirdi. Bu mövqeyə isə Dieqo Kosta alındı. “Mançester Yunayted”ə çox güclü məşqçi, eləcə də futbolçular cəlb olundu. Onlar bu il avrokuboklarda da iştirak etməyəcəklər. Bu isə üstünlükdür”.