Muntyanu: “Nəticə məni çox məyus etdi”

“Bu nəticə məni çox məyus etdi. Komandamız başdan sonadək oyuna nəzarət etsə də, iki gözlənilməz qol buraxdıq”. Futbolxeber.az-ın məlumatına görə, bu sözləri AZAL-la oyundan sonra “Qəbələ”nin baş məşqçisi Dorinel Muntyanu deyib.

Rumın mütəxəssis komandasının hər bir üzvünə inandığını bildirib: “Hər iki hissədə çoxlu qol epizodları yaratsaq da, topu qapıdan keçirmək üçün son vuruşu edə bilmirdik. AZAL yaxşı müdafiə olunurdu, onları qələbə ilə ancaq təbrik edə bilərəm. Komanda olaraq bu məğlubiyyəti unudub qarşıdakı oyunlara hazırlaşmalıyıq. Təəssüf ki, Kristea bu gün yaxşı çıxış etmədi, ona görə də əvəzləndi. Lakin 4 turdan sonra bu oyunçunu hesabdan silmək düzgün deyil. Komandamın hər bir oyunçusuna inamım var”.