“İnter”in növbəti rəqibi uduzdu, potensial rəqibi heç-heçə oynadı

Avroliqanın II təsnifat mərhələsində “İnter”in rəqibi olan İsveçin “Elfsborq” klubu bu gün ölkə çempionatı çərçivəsində səfərdə “Norrkopinq”in qonağı olub. Futbolxeber.az-ın məlumatına görə, 3 gün əvvəl öz meydanında “İnter”ə uduzan “Elsfborq” bu dəfə də meydandan yenilgi ilə ayrılıb. Matç “Elfsborq”un 2:4 hesablı yenilgisi ilə tamamlanıb.

Avroliqanın III təsnifat mərhələsində “İnter”in potensial rəqibi olan Belarusun “Neman” klubu isə ölkə çempionatının növbəti turu çərçivəsində “Minsk”in qonağı olub. Görüş 1:1 hesabı ilə yekunlaşıb.

Qeyd edək ki, “Elfsborq”u mübarizədən kənarlaşdıracağı halda, “İnter” Avroliqanın III təsnifat mərhələsində “Neman” - “Hafnarfyordur” cütünün qalibi ilə qarşılaşacaq. Bu komandalar arasında Belarusda baş tutan ilk oyunda qalib aşkarlanmayıb - 1:1.