İnyesta: “İlk oyunu unutmalıyıq”

“Biz qələbə qazanmağa hazırıq. Hazırda komandamızın psixoloji durumu çox yaxşıdır”. Futbolxeber.az-ın məlumatına görə, bu sözləri İspaniya millisinin üzvü Andreas İnyesta deyib. Bu gün mətbuat önünə çıxan təcrübəli futbolçu Hollandiya ilə oyunda alınan ağır yenilgini unutmalı olduqlarını bildirib: “Çox təəssüf ki, çempionata istədiyimiz kimi başlaya bilmədik. Bu da bizim vəziyyətimizi çətinləşdirdi. Amma indiki məqamda ilk oyunu unutmalıyıq. İndi bizim üçün hər oyun finala bərabərdi. Bu, bizim üçün yenilik deyil. Ötən dünya çempionatında da buna oxşar vəziyyətlə qarşılaşmışdıq. Çili ilə oyunda qələbə qazanmaq üçün əlimizdən gələni etməliyik. Özümə və komandama güvənirəm. Biz vəziyyəti xeyrimizə dəyişə bilərik”.