“Mançester Yunayted” Şvaynştaygeri transfer etmək istəyir

“Mançester Yunayted”in növbəti transfer hədəfi bəlli olub. Futbolxeber.az-ın məlumatına görə, “Qırmızı şeytanlar” “Bavariya”nın yarımmüdafiəçisi Bastian Şvaynştaygeri transfer etmək istəyir. “Mançester Yunayted” alman futbolçuya görə 20 milyon funt-sterlinq ödəməyə hazırdı. Komandanın yeni baş məşqçisi Lui Van Qal orta xətti məhz Şvaynştaygerin sayəsində gücləndirmək fikrindədir.

Qeyd edək ki, “Mançester Yunayted” “Bavariya”nın digər üzvü - Tomas Mülleri də heyətində görmək istəsə də, futbolçu Münhen klubunda qalmaq qərarına gəlib.