Hollandiya millisinin aparıcı üzvü DÇ-2014-dən kənarda qaldı

Hollandiya millisinin aparıcı üzvlərindən olan Rafael van der Vart 2 həftədən sonra Braziliyada start götürəcək XX dünya çempionatında iştirak edə bilməyəcək. Futbolxeber.az-ın məlumatına görə, holland yarımmüdafiəçi ayağındakı zədəyə görə mundialdan kənarda qalacaq. 31 yaşlı futbolçu 2 gün əvvəl “narıncılar”ın məşqində xəsarət alıb. Bu səbəbdən də Hollandiya millisinin baş məşqçisi Lui van Qal təcrübəli futbolçunun adını DÇ-2014 üçün açıqlayacağı yekun heyətə daxil etməyəcəyini bəyan edib.

Xatırladaq ki, Rafael van der Vart Hollandiya millisində 109 oyuna çıxıb.