Millimizə qol vuran sabiq “Liverpul”lu futboldan getdi

“Kardiff”in hücumçusu Kreyq Bellami futbolçu karyerasını başa vurmaq qərarına gəlib. Futbolxeber.az-ın məlumatına görə, 34 yaşlı futbolçu peşəkar karyerası ərzində “Seltik”, “Liverpul”, “Mançester Siti”, “Vest Hem”, “Nyukasl” və digər klubların şərəfini qoruyub.

1998-ci ildə debüt etdiyi Uels millisində 72 oyuna çıxan təcrübəli futbolçu 19 dəfə rəqib qapısına yol tapıb ki, həmin qollardan da birini Bellami Azərbaycan yığmasının qapısından keçirib. O, 2003-cü ilin 29 martında Avro-2004 seçmə mərhələsi çərçivəsində Kardiffdə baş tutan matçda (4:0) yığmamızın qapısına yol tapıb.