“Torpedo” 8 ildən sonra Premyer Liqada

Növbəti mövsümdə Rusiya Premyer Liqasında mübarizə aparacaq sonuncu klubun adı bəlli olub. Futbolxeber.az-ın məlumatına görə, play-off mərhələsində “Krılya Sovetov”u (2:0; 0:0) üstələyən “Torpedo” yüksək liqaya vəsiqə əldə edib. Bununla da Moskva klubu 8 ildən sonra yenidən Premyer Liqada iştirak hüququ qazanıb. Komanda 2006-cı ildə yüksək liqayla vidalaşmışdı.

Qeyd edək ki, Rusiya birinci divizionun mövsümün yekunlarına əsasən “Mordoviya” və “Arsenal Tula” birbaşa Premyer Liqaya vəsiqə əldə ediblər. Play-offda istəyinə çatan digər komanda isə “Ufa”dır.