“Yaya Ture “Mançester Siti”dən getmək istəyir”

Yaya Ture “Mançester Siti”ni tərk etmək istəyir. Futbolxeber.az-ın məlumatına görə, bu haqda afrikalı futbolçunun meneceri Dmitri Selyuk açıqlama verib: “Yaya çox məyusdur və klubdan getmək barədə düşünür. Bunun bir çox səbəbi var. “Siti” Tureyə qarşı hörmətsiz davranıb ki, bu da onu məyus edib. Onlar başa düşmürlər ki, münasibətləri pulla almaq qeyri-mümkündür. Söhbət puldan və ya yeni müqavilədən getmir. Əsas olan hörmətdir. İndi müştərim bütün fikrini dünya çempionatına yönəldib. Mundialdan sonra hər şeyə aydınlıq gələcək”.

Qeyd edək ki, qeyri-rəsmi informasiyaya görə Yaya Tureni özündən çıxaran səbəb klubdan heç kimin ad günündə onu təbrik etməməsidir. Mayın 13-də futbolçunun 31 yaşı tamam olub.