ÇSKA-dan ardıcıl 2-ci çempionluq

Rusiya Premyer Liqasında 2013/14 mövsümünə yekun vurulub. Futbolxeber.az-ın məlumatına görə, son tur öncəsi 3 komandanın qızıl medalları qazanmaq şansı var idi.

Həlledici oyunda “Lokomotiv”i tək qolla keçən və bununla da ardıcıl 10-cu qələbəsini qazanan ÇSKA ardıcıl ikinci il Rusiya çempionu adına sahib çıxıb. “Zenit” gümüş, “Lokomotiv” isə bürünc medallara sahib çıxıb.

Çempion və ikinci yerin sahibi növbəti mövsümdə Çempionlar Liqasında, “Lokomotiv”, “Dinamo”, “Krasnodar” və ölkə kubokunun sahibi “Rostov” isə Avroliqada çıxış etmək şansı əldə ediblər.

“Volqa” və “Anji” Premyer Liqayla vidalaşdığı halda, “Tom” və “Krılya Sovetov” birinci diviziona düşməmək üçün play-offda uğur qazanmağa çalışacaqlar.

Son turun nəticələri:

“Amkar” - “Krasnodar” 2:2

“Anji” - “Krılya Sovetov” 0:1

ÇSKA - “Lokomotiv” 1:0

“Kuban” - “Zenit” 1:4

“Rubin” - “Terek” 1:1

“Spartak” - “Dinamo” 3:2

“Tom” - “Rostov” 3:2

“Volqa” - “Ural” 1:2