“Hansısa axmağın məni qoca adlandırması o demək deyil ki, hər kəs buna inanmalıdır”

“Çelsi”nin və Kamerun millisinin hücumçusu Samuel Eto`O “African Football”a müsahibə verib. Futbolxeber.az-ın məlumatına görə, təcrübəli forvard müsahibəsində yaşının azaldılması barədə sualı belə cavablandırıb: “Bəziləri deyir ki, Braziliyadakı mundial mənim üçün sonuncu dünya çempionatı olacaq. Növbəti dünya çempionatı zamanı 37 yaşım olacaq. Bəziləri mundialda 42 yaşında belə çıxış edib. Odur ki, mən hələ 1 yox, 2 dünya çempionatında oynaya bilərəm. Hansısa axmağın məni qoca adlandırması o demək deyil ki, hər kəs ona inanmalıdır”.

Samuel Eto`O gələcək karyerası ilə bağlı bunları deyib: “Bəziləri iddia edir ki, karyeramı ABŞ və ya Orta Şərqdə bitirməliyəm. Lakin mən yenidən Çempionlar Liqasında mübarizə aparmağın sevincini yaşadım. Bu formada da karyeramı davam etdirmək fikrindəyəm. Harada? Bunu deməyəcəyəm. Yalnız onu deyim ki, həm fiziki, həm də psixoloji cəhətdən özümü əla hiss edirəm. Lazımı səviyyədə oynamaq üçün gücüm var”.