Sanya: ya “Mançester Siti”, ya da “Çelsi”

Bakari Sanya mövsümün sonunda “Arsenal”dan gedəcəyini qətiləşdirib. Futbolxeber.az-ın “L’Equipe”ə istinadən verdiyi məlumata görə, “topçular”ın təklif etdiyi yeni müqavilə şərtləri fransız müdafiəçini qane etmir. Bu səbəbdən də Sanya “Arsenal”ı tərk edəcək. Lakin o, karyerasını yenə də İngiltərədə davam etdirmək fikrindədir. Belə ki, Sanya hazırda 2 klub - “Mançester Siti” və “Çelsi”ylə danışıqlar aparır və karyerasını da elə bu klublardan birində davam etdirəcək.