“Zlatan olan yerdə PSJ, Ronaldo və ya Messini neynir?”

PSJ-nin hücumçusu Zlatan İbrahimoviç maraqlı açıqlama verib. Futbolxeber.az-ın məlumatına görə, isveçli forvard növbəti dəfə Paris klubunda qalmaq istədiyini bildirib: “Düşünürəm ki, karyeramı PSJ-də başa vura bilərəm. Hazırki müqaviləm hələ 2 ildən sonra başa çatacaq. Özümdə oynamaq üçün lazımı qədər güc hiss edirəm. Sözləşməm başa çatdıqdan sonra da burada qalmağım mümkündür. Təbii ki, klub xidmətimdə maraqlı olsa. Odur ki, məndən canınızı asanlıqla qurtara bilməyəcəksiz (gülür)”.

İbrahimoviç jurnalistin “növbəti mövsümdə bu 2 futbolçudan hansını PSJ-də görmək istərdiniz: Messini, yoxsa Ronaldonu” sualını isə belə cavablandırıb: “Zlatan olan yerdə PSJ, Ronaldo və ya Messini neynir?”