Yuri Syomin: “Onun qovulması doğru qərardı”

“Qəbələ”nin baş məşqçisi Yuri Syomin Oleq Bloxinin Kiyev “Dinamo”sunun baş məşqçisi postundan qovulmasını şərh edib. Futbolxeber.az-ın Ukrayna mətbuatına istinadən verdiyi məlumata görə, Syomin qərarın düzgün olduğunu düşünür: “Bu hadisə Donoteskdə biz “Şaxtyor”a uduzduqdan sonra mənim də başıma gəlmişdi. Bu, prezidentin qərarıdır. Məncə, Bloxinin qovulması düzgün qərardı. Çünki komanda nəticə qazana bilmirdi. Biz məşqçilər nə qədər incisək də, bu həqiqətdir ki azarkeşlər daim klub prezidentindən çempionluq tələb edirlər. “Dinamo”nun yeni çalışdırıcısı Sergey Rebrova uğurlar arzu edirəm”.

Xatırladaq ki, “Dinamo” öz meydanında “Şaxtyor”a 0:2 hesabı ilə uduzduqdan sonra Kiyev klubunun rəhbərliyi Oleq Bloxini baş məşqçi postundan uzaqlaşdırıb.