“Lester” İngiltərə Premyer Liqasında!

Cari mövsümdə Çempionşipdən İngiltərə Premyer Liqasına yüksələn ilk komandanın adı bəlli olub. Futbolxeber.az-ın məlumatına görə, 40-cı turun oyunu çərçivəsində öz meydanında “Şeffild Uenzdi”ni 2:1 hesabı ilə məğlub edən “Lester” sona 6 tur qalmış Premyer Liqaya vəsiqəni təmin edib. “Lester” 40 turdan sonra 89 xala sahibdir və üçüncü pillədə qərarlaşan KPR-i 19 xal qabaqlayır.

Premyer Liqaya ikinci vəsiqənin sahibi isə böyük ehtimalla “Bernli” olacaq. Bu komandanın aktivində 80 xal var.

Üçüncü vəsiqə uğrunda isə KPR, “Derbi”, “Uiqan” və “Ridinq” komandalarının mübarizə aparacağını proqnozlaşdırmaq olar.