Kasilya: “Barselona” ilə oyunda heç nədən meydandan qovuldum”

“Espanyol”un qolkiperi Kiko Kasilya La Liqanın 31-ci turu çərçivəsində “Barselona”ya qarşı baş tutan oyunda meydandan qovulması haqda danışıb. Futbolxeber.az-ın məlumatına görə, 27 yaşlı qolkiper hakimin qərarını ədalətsiz hesab edir: “Əvvəlcə top mənim sinəmə dəydi. Ümumiyyətlə, meydandan heç nədən qovuldum. Bu, ədalətsizlikdir. Çünki mənim arxamda iki müdafiəçi var idi. Hakim məni meydandan qovmamalıydı”.

Xatırladaq ki, Kiko Kasilya “Espanyol” - “Barselona” (0:1) matçının 83-cü dəqiqəsində qırmızı vərəqə alıb. Həmin ana kimi meydan sahibləri hər 3 əvəzetmə hüququndan yararlandığından, son dəqiqələrdə “Espanyol”un qapısını yarımmüdafiəçi David Lopes Silva qoruyub.