"Çelsi"nin futbolçusu "Fənər"i finalda görmək istəmir

"Çelsi"nin futbolçusu Ramires Avroliqanın finalında rəqib qismində görmək istədiyi klubun adını açıqlayıb. Futbolxeber.az-ın məlumatına görə, London klubuna transfer olunmamışdan öncə "Benfika"da çıxış edən sambaçı cari mövsüm Avroliqanın finalında məhz sabiq komandası ilə görüşmək istədiyini bildirib: "Yarımfinal mərhələsinin püşkatmasının canlı olaraq izlədim. Təbii ki, "Estadio de Luz"a qayıtmağı istərdim. Orada çox gözəl günlər keçirdim. Amma istəyim baş tutmadı. Buna görə təəssüflənmirəm. Əvəzində finalda "Benfika" ilə görüşmək şansımız var və bunu çox istəyirəm. Lissabon klubundakı futbolçularla münasibətim bugünkü gündə də yaxşıdır və tez-tez bir-birmizlə əlaqə saxlayırıq. Bir sözlə, finalda "Benfika" ilə qarşılaşmağı arzulayıram. Amma təkcə sözlə iş bitmir. Bunun reallaşması üçün böyük səy göstərməliyik. Finala yüksəlmək nə "Çelsi", nə də "Benfika" üçün asan olacaq. "Bazel"lə "Fənərbaxça" yaxşı oyun göstərməyi bacarırlar. Buna görə formalarımız su içində olana qədər mübarizə aparmalıyıq".

Xatırladaq ki, Ramires 2009/10 mövsümündə formasını geydiyi "Benfika"da ölkə çempionu olmaqla yanaşı, həm də Avroliqada yarımfinala kimi yüksəlməyi bacardı.