"Berluskoni ailəsi "Milan"ı heç vaxt satmayacaq!"

"Milan"ın sahibi Silvio Berluskonin qızı Barbara maraqlı açıqlamalar verib. Futbolxeber.az-ın məlumatına görə, Barbara ailəsinin heç vaxt "Milan"ı satmayacağını bəyan edib: "Atamız bizə də "Milan" sevgisini aşılayıb. Hər birimiz "Milan"a dəlicəsinə bağlıyıq. Bu səbəbdən də əminliklə bəyan edirəm - Berluskoni ailəsi komandanı heç vaxt satmayacaq. Maddi baxımdan stabilliyə nail olmaq istəyirik. Amma biz bu baxımdan da fair-play qaydalarının pozulmasının əleyhinəyik. "Milan"ın ən başlıca məqsədi hər zaman çıxış etdiyi turnirlərdə maksimum nəticəyə imza atmaqdır. Bəzilər düşünə bilər ki, maliyyə böhranına görə komandamıza daha ulduzlar cəlb olunmayacaq. Amma bu yalnış fikirdi. Elə Mario Balotellinin gəlişi də dediklərimə sübutdur. Lakin bəzi klublar futbolçuların əməkhaqqlarını fantastik dərəcədə artırıblar ki, bu da klubun gələcəyini təhlükə altına atır. Biz heç vaxt bu cür riskə yol verməyəcəyik".