Benites püşkün nəticəsindən razıdı

"Çelsi"nin baş məşqçisi Rafael Benites Avroliqanın 1/2 final mərhələsinin püşkatmasının nəticəsini dəyərləndirib. Futbolxeber.az-ın məlumatına görə, ispan mütəxəssis İsveçrənin "Bazel" klubu ilə qarşılaşmalarından məmnundur: "Yarımfinalda zəif rəqib olmur. Buna görə də hansı komanda ilə qarşılaşmağımızın elə bir fərqi yox idi. Onsuz da hansı komanda ilə qarşılaşsaydıq, işimiz asan olmayacaqdı. Amma "Bazel"lə düşməmizdən məmnunam. Çünki Bazelə olan məsafə heç də uzaq deyil ki, bu da bizi razı salır. Rəqib haqda məlumatım var. İlk növbədə onu deyə bilərəm ki, "Bazel"in stadionunda möhtəşəm atmosfer hökm sürür. Bizi çox maraqlı mübarizə gözləyir. "Bazel" hücum futbolu sərgiləməyə üstünlük verir və "Tottenhem"ə qarşı əla oyun sərgilədilər".