Rummenigge: “Qvardiolanın məsləhətinə ehtiyacımız yoxdur”

“Bavariya” rəsmisi, Karl Haynts Rummenigge açıqlama verib. Futbolxeber.az-ın məlumatına görə, keçmiş futbolçu  Çempionlar Liqasının püşkatma mərsimindən sonra,  yarımfinal mərhələsi çərçivəsində “Bavariya” və “Barselona” arasında baş tutacaq oyunlara münasibət bildirərkən belə deyib: “Keçiriləcək oyunları intizarla gözləyirəm. Olduqca sərt qarşılaşmalar izləyəcəyik. Artıq biz də “Barselona”dan üstün olub-olmadığımızı müəyyənləşdirə biləcəyik. Belə oyunlarda aşkar favoritin kim olduğunu demək çətindi”

Gələn mövsüm “Bavariya”nın baş məşqçisi postuna keçəcək Pep Qvardioladan “Barselona” haqqında bəzi tövsiyyələrin alınıb-alınmayacağı sualını Rummenigge belə cavablandırıb: “Təəssüf ki, o hələ komandanın məşqçisi deyil. Ancaq bizim hazırda çox güclü və təcrübəli baş məşqçimiz var. Qvardiolanın hər hansı bir məsləhətinə ehtiyacımız yoxdu”.