“Dünya çempionatında qazandığım qızıl medalı Hafiz Məmmədovun ad gününə hədiyyə edirəm"

Bu günlərdə Birləşmiş Ərəb Əmirliklərinin paytaxtı Abu-Dabida veteran cüdoçular arasında dünya çempionatı keçirilib. Futbolxeber.az-ın məlumatına görə, "Bakı" İdman klubunun nümayəndəsi Elçin Mayılov bütün rəqiblərini məğlub edərək ən yüksək pilləyə yüksəlib.

60 kq şəki dərəcəsində mübarizə aparan Elçin bu qələbəsinin onun üçün ikiqat fərəhli olduğunu bildirib: "İlk olaraq ona sevinəm ki, Azərbaycan bayrağını zirvəyə qaldırdım. Digər tərəfdən isə qələbəm klubumuzun prezidenti Hafiz Məmmədovun ad gününə təsadüf etdi. İmkandan istifadə edib, Hafiz müəllimə təşəkkürümü bildirmək istəyirəm ki, biz idmançılar üçün belə bir şərait yaradıb. Dünya çempionatında qazandığım qızıl medalı onun ad gününə hədiyyə edirəm".