16 Iyul 2025, Çərşənbə
"Zirə" onunla yollarını ayırdı
Freddi Varqas rəsmən “Neftçi”də
UEFA 9 klubumuza ödəniş etdi
Dadaşovun yeni klubu bəlli oldu

Digər idman növləri

Cüdomuzun əfsanələri belə vidalaşdılar

Bakıda təşkil olunmuş cüdo üzrə “Böyük Dəbilqə” turnirinin ikinci günündə yerli və beynəlxalq cüdo ictimaiyyəti böyük idman aləmində silinməz iz qoymuş Rüstəm Orucovu, Orxan Səfərovu və Məmmədəli Mehdiyevi yola salıb.
 
Futbolxeber.az saytının məlumatına görə, bu həyəcanlı və təsirli tədbir Milli Gimnastika Arenasında baş tutub.
 
Burada idmançıların karyeraları boyu göstərdikləri fədakarlıq, əzmkarlıq və cüdo dəyərlərinə dönməz sədaqət kimi xüsusiyyətləri örnək göstərilib.
 
Olimpiya çempionu, Azərbaycan Cüdo Federasiyasının vitse-prezidenti Elnur Məmmədli Federasiya adından karyeralarını başa vurmuş idmançıları təltif etmək üçün tatamiyə buyurub.
 
Mükafatlandırma mərasimi Rüstəm Orucovun səhnəyə çıxması ilə başlayıb. Orucov səmimi çıxışında ona inanan, sarsılmaz dəstək olan valideynlərinə və məşqçilərinə minnətdarlığını bildirib. O, həmçinin həmişə onun yanında olan Azərbaycan xalqına dərin minnətdarlığını bildirib. Peşəkar karyerasını başa vurmasına baxmayaraq, Orucov bütün gələcək planlarının bu idman növü ilə sıx bağlı olması ilə cüdonun həmişəlik həyatının bir parçası olaraq qalacağını vurğulayıb.
 
Daha sonra təltif üçün səhnəyə Orxan Səfərov buyurub. O, Azərbaycan xalqına, beynəlxalq cüdo ictimaiyyətinə və bütün cüdo həvəskarlarına salamlarını çatdıraraq, göstərdikləri sarsılmaz dəstəyə görə dərin minnətdarlığını bildirib.
 
Nəhayət, Məmmədəli Mehdiyev mükafatlandırma mərasimi üçün səhnəyə çıxıb və əlamətdar karyerası boyunca ona dəstək olan hər kəsə ürəkdən təşəkkürünü bildirib.
 
Tədbir emosiyalar, həyəcan və göz yaşları ilə yadda qalıb. Karyerasını bitirmiş idmançıların nailliyətləri haqqında video çarx nümayiş etdirilib, onların adları Azərbaycan cüdo tarixinə əbədi həkk olunub.







Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31