28 Oktyabr 2026, Çərşənbə
Yeton Bekiri qələbəni şərh etdi
Ölkə kuboku: 5 komanda 1/8 finala yüksəldi
"Araz-Naxçıvan"dan uğurlu start
Azərbaycan çempionatının püşkü atıldı

Digər idman növləri

Gimnastlarımız Avropa çempionatı haqqında: “İnanırıq ki, bayrağımızı yüksəklərdə dalğalandıracağıq”

Şriftin ölçüsü: Şrifti böyüt Şrifti kiçilt
16.05.2023 16:49
“İnanırıq ki, Azərbaycan bayrağını yüksəklərdə dalğalandıracağıq”.
 
Futbolxeber.az saytının məlumatına görə, bunu Azərbaycan bədii gimnastı Güllü Ağalarzadə mayın 17-də Bakıda start götürəcək Avropa çempionatı ilə bağlı Azərbaycan Gimnastika Federasiyasının mətbuat xidmətinə açıqlamasında deyib.
 
O, maraqlı və çətinliyi yüksək olan kompozisiyalar hazırladıqlarını bildirib: “Ötən ilin oktyabrından yeni kompozisiyalar üzərində işləyirik. Bir neçə Dünya Kubokunda iştirak edərək, yaxşı nəticələr qazanmışıq. Komanda olaraq Avropa çempionatına hazırıq”.
 
21 yaşlı Darya Sorokina dünya çempionatının təbliğinin yüksək səviyyədə aparıldığını düşünür: “Doğma Bakıdakı bütün afişalarda özümüzü gördüyüm üçün çox xoşbəxtəm. Bu, təşkilatçılar tərəfindən maraqlı fikirdir. Bizi idman ulduzları kimi təqdim edirlər. Bizim üçün bu, əlavə məsuliyyətdir”.
 
Ləman Alımuradova isə doğma divarlar arasında çıxış etməyin daha məsuliyyətli olduğunu söyləyib: “Çünki bizi daha çox insan - federasiya işçiləri, valideynlərimiz, kiçik gimnastlarımız və gimnastikasevərlər dəstəkləyirlər. Buna görə də ölkəmizi layiqincə təmsil etməyə çalışacağıq”.
 
Millinin digər üzvü Zeynəb Hümmətova qitə birinciliyində çıxışlar olacağını vurğulayıb: “Beş halqa ilə çıxışımız milli musiqi altında olacaq. Milli Gimnastika Arenasında milli ab-hava yaratmağa, tamaşaçıları ayağa qaldırmağa çalışacağıq. Lent və topla çıxışımız isə maraqlı və sirlidir. Kompozisiyalarımız çox maraqlıdır, hər kəsin dəstəyini gözləyirik”.
 
Yeniyetmələrin Olimpiya Oyunlarının qalibi Yelizaveta Luzan güclü idmançılarla mübarizə aparacaqlarını deyib: “Bakıdakı yarışda məşhur idmançılar, gimnastika ulduzları, Avropa və dünya çempionatının mükafatçıları iştirak edəcəklər. Bu, mənim üçün böyük qürur hissi və məsuliyyətdir”.
 
Zöhrə Ağamirovanın isə hədəfi Avropa çempionatında finala vəsiqə əldə etməkdir: “Dörd proqramın hər birini çox sevirəm. Kompozisiyaların hamısı bir-birindən fərqli və maraqlıdır. Hamısında yaxşı çıxış etmək mənim üçün çox vacibdir. Finala vəsiqə qazanmağa çalışacağam”.
 
18 yaşlı İlona Zeynalova isə debütant olduğundan həyəcan keçirdiyini gizlətməyib: “Bu, böyüklər arasında ilk Avropa çempionatımdır. Bir az həyəcan var. Buna baxmayaraq, ciddi hazırlaşmışam. Ümid edirəm ki, öz kompozisiyalarımı yaxşı yerinə yetirəcəyəm və ölkəmizi layiqincə təmsil edəcəyəm”.
 
Qeyd edək ki, Avropa çempionatında Azərbaycanı fərdi gimnastlar Zöhrə Ağamirova və İlona Zeynalova, eləcə də, böyüklərdən ibarət qrup hərəkətləri komandasının üzvləri Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan və Darya Sorokina təmsil edəcəklər. Bakıda təşkil olunacaq yarışda 38 ölkədən 313 gimnast mübarizə aparacaq.

Xəbəri paylaş






Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  





Digər idman növləri

Bakıda cüdo üzrə şəhər birinciliyi keçirilib

Azərbaycan Avropa çempionatında 8 cüdoçu ilə təmsil olunacaq

Bakıda Braziliya ciu-citsusu üzrə açıq turnir keçirilib

"Çempionlarla bir ay" layihəsi çərçivəsində gənc şahmatçılar üçün "ustad dərsləri" keçirilib

Azərbaycan Super Liqası: II turun oyunlarının vaxtı açıqlanıb

"Shirvan Open 2026" Beynəlxalq Şahmat Festivalının mükafatçıları bəlli olub

DÇ: İki qadın güləşçimiz məğlub olub, İslam Abbasov medal şansını itirib

Beş cüdoçumuz Asiya Kubokunda iştirak edəcək

Çox oxunan xəbərlər

  1. İnkişaf dildə yox, əməldə olmalıdır: Mahirlər, Qiyaslar kimi...
  2. "Turan Tovuz" - "Fənərbaxça" oyunundan əldə olunacaq gəlir Qarabağ Dirçəliş Fonduna ianə ediləcək
  3. Azərbaycan millisindən biabırçı məğlubiyyət - 0:16
  4. Marko Yankoviç İrəvanda qələbəyə sevindi
  5. Cüdoçularımız Xüsusi Olimpiya Açıq Turnirində 5 medal qazanıblar
  6. "Gəncə"də görüş
  7. Anastasiya Baydyuk Azərbaycan klubunda
  8. Cilardinonun yeni iş yeri müəyyənləşdi
  9. "Turan"ın Çempionlar Liqası oyununa biletlər pulsuz olacaq
  10. Azərbaycan kikboksinqçiləri dünya çempionatında 16 medal qazanıblar
  11. Asiyat Abuyeva "Murov Az Terminal"da
  12. II Liqada 4 oyunda 22 qol
  13. "Sumqayıt"dan növbəti transfer
  14. Boksçularımızın Çindəki qazancı - 10 medal
  15. Amerikalı basketbolçu Azərbaycan klubunda

Arxiv

Oktyabr 2026
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31