“Dünyada 27 hərbi münaqişə var, lakin cəzalanan yalnız rus və belarus idmançılardı”

Rusiya hokkeyinin canlı əfsanəsi, keçmiş deputat Vyalçeslav Fetisov Beynəlxalq Olimpiya Komitəsini (BOK) tənqid edib

Futbolxeber.az saytının Rusiya mətbuatına istinadən verdiyi məlumata görə, 2 qat olimpiya çempionu Rusiya və Belarusiyadan olan idmançılara qarşı ayrı-seçkilikdən narazıdır:

“Əgər BOK hərbi münaqişədə olan ölkələrin idmançılarını beynəlxalq yarışlardan uzaqlaşdırmaq barədə qərar qəbul edibsə, gəlin bu məsələdə sona kimi gedək. Hazırda dünyada ən azı 27 hərbi münaqişə var. Ukrayna böhranı də onlardan biridi. Lakin beynəlxalq yarışlardan kənarlaşdırılan, cəzalandırılan yalnız Rusiya və Belarusiyadan olan idmançılardı. Təslim olmamalıyıq. Qoy hərbi münaqişədə olan dövlətlərin idmançılarının beynəlxalq yarışlardan kənarlaşdırılmasını bizə sənədlə sübut etsinlər. Məsələdə ondadır ki, belə bir şey yoxdu. Bu məsələ BOK-un İcraiyyə Komitəsində müzakirəyə belə çıxarılmayıb. Rusiyalı idmançıların kənarlaşdırılması heç nəyə əsaslanmır. Bunun heç izahı da yoxdu”.