Rusiyalı voleybolçu dopinqə görə 2 illik cəzalandırıldı

Rusiyalı çimərlik voleybolçusu Anna Vozakova antidopinq qaydalarını pozduğu üçün 2 illik cəzalandırılıb.

Futbolxeber.az saytının Rusiya mətbuatına istinadən verdiyi məlumata görə, bu barədə Ümumrusiya Voleybol Federasiyasının baş direktoru Aleksandr Yeremenko açıqlamasında bildirib.

O deyib ki, 33 yaşlı voleybolçunun cəza müddəti 2022-ci ilin yanvarından 2024-cü ilin 11 yanvarına qədər olan müddəti əhatə edir.

Qeyd edək ki, 2010-cu ildə Rusiya çempionu olan Vozakova 2012-ci il London Olimpiadasının iştirakçısıdır. Abastasiya Vasino ilə birlikdə o, olimpiya turnirində 1/8 finala qədər irəliləmişdi.