300 qələbə həddinə çatan 7-ci məşqçi oldu

Kontinental Hokkey Liqasının növbəti turu çərçivəsində “Barıs” “Kunlun”u 2:1 hesabı ilə məğlub edib.

Futbolxeber.az saytının Qazaxıstan mətbuatına istinadən verdiyi məlumata görə, bu qələbə Astana təmsilçisinin baş məşqçisi Andrey Skabelka üçün əlamətdar olub. Belə ki, o, baş məşqçi kimi 300-cü qələbəsini qazanıb. Belaruslu mütəxəssis bu nəticəyə nail olan sayca 7-ci məşqçidi.

Slabelkaya qədər bu uğura Dmitri Kvartalnov, Oleq Znarok, Zintula Bilyaletdinov, Vladimir Krikunov, İqor Nikitin və İlya Vorobyov imza atıblar.

Qeyd edək ki, qələbəyə baxmayaraq, “Barıs” pley-offa yüksəlmək şansını itirib. Çin klubu üzərində qələbədən sonra Qazaxıstan təmsilçisi xallarının sayını 61-ə (65 oyun) çatdırıb. Komanda Şərq divizionunda 11 komanda arasında sonuncu pillədə qərarlaşıb.