Vittossi dünya çempionluğunu şərh etdi

İtaliyalı biatlonçu Liza Vittossi Almaniyanın Oberhaf şəhərində keçirilən dünya çempionatında estafet yarışında qazandıqları qızıl medalı şərh edib.

Futbolxeber.az saytının İtaliya mətbuatına istinadən verdiyi məlumata görə, 28 yaşlı idmançı yarışdan öncə favorit hesab olunmadıqlarını bildirib:

“Bu, möhtəşəm nəticədi. Yarış hər nə qədər çətin keçsə də, sonda qalib ola biləcəyimizə inamımız var idi. Rəqiblərimi atışlar zamanı üstələmək istəyirdim. Çünki bilirdim ki, alman idmançı Deniz Hermann-Vik məndən sürətlidi. Çox şadam ki, atışlarımın heç biri hədəfdən yayınmadı və öz mərhələmdə ən yaxşı nəticəyə imza atdım. Yarışdan öncə biz ən yaxşı komanda hesab olunmurduq. Lakin hazırda bu, belədi. Dünya çempionatı mənim üçün ideal keçdi”.  

Qeyd edək ki, Liza Vittossinin yer aldığı qadınlardan ibarət İtaliya millisi tarixində ilk dəfə estafet yarışında dünya çempionluğunu qazanıb. Buna qədər komanda yalnız 2 dəfə, 2013 və 2015-ci illərdə bürünc medala sahib çıxmışdı.