Həbibin qardaşı: “Rəqiblər adımı eşidən kimi telefon nömrələrini dəyişirlər”

Həbib Nurəhmədovun qardaşı, UFC-nin yüngül çəki dərəcəsində reytinq döyüşçüsü Umar Nurəhmədov sosial şəbəkədə maraqlı paylaşımı ilə diqqət çəkib

Futbolxeber.az saytının Rusiya mətbuatına istinadən verdiyi məlumata görə, 27 yaşlı idmançı döyüş keçirməkdə çətinlik çəkməsini rəqiblərin ondan qorxması ilə əlaqələndirib:

“Bu gün biz Şon Şelbi (UFC-nin vitse-prezidenti nəzərdə tutulur-red.) ilə telefonla danışdıq. O bildirdi ki, mənim adımı eşidən kimi idmançıların əksəri telefon nömrələrini və e-mail ünvanlarını dəyişirlər. Hazırda Şon О’Melli döyüşü olmayan yeganə idmançıdı. Amma mənə bildirdilər ki, hazırda o, saçlarını rəngləməklə məşğuldu, stilistin yanına tez-tez gedir”.

Qeyd edək ki, Həbibin kiçik qardaşı olan Umar UFC-də keçirdiyi 16 oyunun hamısında qalib gəlib. Bu görüşlərdən ikisi nokautla başa çatıb. 7 görüşdə rəqiblərini təslim olmağa məcbur edən kiçik Nurəhmədov 7 dəfə də hakimlərin qərarı ilə qələbəni bayram edib.